2019年3月18日 星期一

Bistro on the Mile - 澳牛與鴨肝



食物:$$$1/2
環境:$$$$
服務:$$$$

轉眼間,一個季度又差不多完結。好感恩,日子總算過得不錯,當中仍可跟朋友四圍去吃吃喝喝,對我這為食友而言已很滿足。

食自助餐好像已成為了生活的一部份,是夜又來到金域假日酒店開餐,又澳洲牛又鴨肝既主題,好對口胃。

Buffet的好處之一,真係唔使等齊人,大家可以慢慢食住等我。
    

話知佢做咩主題,有理無理先砌碟大堆頭凍海鮮。蟹腳、麵包蟹、龍蝦及生蠔固然是搶手貨。蟹包蟹好多羔,這兩次來的凍龍蝦水準回升,今時今日既我,就算即開生蠔多吸引,兩、三隻足夠了。


有時候,吃得太飽,會錯過燒牛肉的環節。既然今次以牛作主題,就改變策略,食左牛先。燒牛肉與威靈牛交替出場,我嚐了後者,酥皮做得酥脆,威靈頓牛最難就是控制火候,但這份牛的生熟程度則來得合意。


再進攻一系列牛肉與鴨肝的冷盤熱葷,包括韓式牛仔骨、黑椒牛肉片、鴨肝凍批、鴨肝白菌雞卷等,十分痛快!


凡惠顧自助餐的食客,均獲大蝦拼牛柳,以及金菇肥牛卷。前者大蝦肉爽,牛柳鬆化,話時話也好耐無食過金菇肥牛卷。


細食既我,嚐了如此多肉類,其實已飽得八八九九,飲多盅足料燉湯便好。一如以往的清甜,水準挺高的。


粉麵我是沒能力吃得下了,拿一碗淨菜倒是無妨,我真的清一大碗生菜啦!


試了一點炒雪糕,再吞下少許蛋糕、拿破崙,飽足矣~


是咁的,凡於419-22日惠顧復活自助餐,4-11歲的小朋友更可免費參加復活節杯子蛋糕工作坊,大人小朋友都開心。

餐廳資料:
Bistro on the Mile

6 則留言: