2019年2月5日 星期二

Cafe on the PARK - 珍饈百味慶豐年



食物:$$$1/2
環境:$$$$
服務:$$$$

新一年,先恭祝大家諸事順利、豬籠入水、發過豬頭!

大年初一,當然為大家介紹下應節的意頭菜色,自助餐又如何?

聽到Buffet,各位肯定想打鑊我!其實我唔係同大家講笑,事關皇家太平洋酒店的Cafe on the Park正做緊『珍饈百味慶豐年』為題的自助餐,當中有唔少滋補嘢同埋賀年菜色~
   


講到賀年菜,打頭陣的固然是撈起。材料來來去去都是青瓜絲、蘿蔔絲、薄脆,以及三文魚刺身等,這裡特別在其賣相,師傅以各式食材砌成了可愛的豬仔,睇見也令人開懷。撈呀撈,祝願各位朋友豬年風生水起!


炒桂花翅,乃傳統的廣府菜色,尤其是過時過節,常會吃到。家陣大家都深明道理,拒絕食翅,有些地方以素翅取締,而這兒則以花膠頂替。估唔到自助餐都可以炒到咁乾身香口,有水準。


過年要有滋補的湯水,凡惠顧這自助餐,每人會有一盅矜貴的花膠螺頭燉竹絲雞。花膠比預期中厚身,湯頭清甜,喝得舒服。


熱葷有搶手的芝士焗龍蝦,我把握到新鮮出爐時間拿了半邊,香噴噴。鮑汁釀海參是我的推介,矜貴又美味。三色椒炒蝦仁,吃過大家開心笑哈哈~


即煮青口也是必吃項目,可配上黑椒、豉椒或泰式辣汁,做出三種截然不同的風味。個人最喜歡是豉椒,香口惹味。


人大了,總喜歡吃些點心,幸邪這裡都有幾款。其中粉果與燒賣,較討人歡心。


甜品環節,西式甜點選擇很多,開心果蛋糕、芒果蛋糕、奶凍等等,我極力推介的是伯爵茶慕絲蛋糕,細滑又充滿茶香。


中式的桂花糕清新,但論滋補,當然要數到冰花海參燉六福糖水。海參加進甜甜的糖水,我真是第一次見識。


飲多杯健康又好喝的紅菜頭雪梨汁,呢頓自餐助,難得的滋補又健康。


餐廳資料:
Cafe on the PARK
尖沙咀廣東道33號中港城皇家太平洋酒店園景翼2樓
27382322

4 則留言: