食物：$$$$
環境：$$$$
服務：$$$$
吃下午茶，原因不一定是想放鬆心情，可能只係要攝時間。
完成手頭上的事項，尚有一句鐘空檔，大家唔想四周圍盪，索性搵個地方飲杯咖啡，當然食少少嘢都無所謂。
與其去星巴克，或者太平洋咖啡，倒不如找間Cafe，會更合我心。谷歌一下，原來在將軍澳單車館內，有家牧羊少年，那就不作他選。
晚上還有Party，要留肚，簡單點小量東西便好。正義如我，自然誓不放過邪惡的黑松露薯條。新鮮炸起的出品，香脆熱辣，附上黑松露，根本不用沾任何汁醬都已好味道。當然，撩埋松露醬，更是別具滋味，好難停到口。
另外點了英式窩夫，三款口味之中，挑選了朱古力雪糕。店員提醒製作需時，反正我們也旨在攝時間，絕對等得。約半個鐘後，窩夫送上，熱暖、外脆內嫩的口感很討喜，配埋朱古力雪糕，冷熱交融的效果也真心可口，而配角的香蕉片伴朱古力漿，令整個甜品再度加分。若然，能用上更優質的雪糕，自會更為精彩。
沒有試蓋莓芝士蛋糕，但據知質素唔錯，看見識食的小朋友在搶吃，應該唔會差得去邊。
Latte擁有漂亮的拉花，喝起來順喉舒服，是我喜愛的咖啡底。
本來只是找個地方Hea下攝下時間，能吃到不俗的小食與甜點，絕對是Bonus~
餐廳資料:
牧羊少年咖啡館
最尾那杯是凍朱定凍啡？
回覆刪除Iced Mocha
刪除