2018年7月24日 星期二

新店速遞:Mamaday - 處處打卡位



食物:$$$1/2
環境:$$$$
服務:$$$$

有些食肆,會自嘲水準唔多掂,以降低客人期望。如果真係唔岩食客心水,起碼唔會鬧到拆天,反之,仲會幫你大肆宣傳。

當然,改這類嘩眾取寵的名字,更大的原因,是為噱頭。

好難食牛肉麵是好例子。另外,這天我到訪的銅鑼灣樓上咖啡店,MaMaDay Cafe,也是其一。
   


地方不算大,卻處處是打卡位,人人手機/相機食先。現今的咖啡室要是如此格局,才會客似雲來。

上網睇番才知道,原來店子是來自台北,同樣是玩味十足的"呃Like"咖啡店。


先點杯嘢飲,天氣太熱,摒棄了平日喝慣的熱Latte,改要杯凍的手工紫薯牛奶。賣相無疑是美,但奶泡實在過多,恕我不懂欣賞。


雞翼幾嫩滑,配小小攻鼻的芥末,都唔錯,總好過炸至乾柴柴的雞翼。


再來個So far so good Pizza,驗明正身就是黑松露磨菇薄餅。批很薄身,也脆口。呢類地方,當然不期望會刨幾片黑松露過你,大概只是些松露醬,結合磨菇,頂頭加一埋火箭菜,味道正常的。


還有鰻魚蛋包飯,加了錢轉原條鰻魚,方便啲影相呃Like。在香港,從不會旨意有精彩的蛋包飯,呢個雞蛋夠嫩滑,已經要收貨。原條鰻魚,欠缺彈牙口感,不過味道尚可。


最後的Oreo朱古力蛋糕,質感與味道俱一般,早知去第二度食甜品。


人很多,特別是週五,記緊要預先訂位,Walk in 基本上唔使諗。

望著玻璃窗上的The Worst is yet to come字句,我明,我真係明喎~


餐廳資料:
Mamaday
銅鑼灣霎西街28號必發大廈1樓

6 則留言: