新店速遞：麥金. 麥金馬拉特色啡茶室 - 好相似

食物：$$$1/2

環境：$$$$

服務：$$$$

馬拉嘢香港人好受，你睇深水埗的蘇媽蘇媽，未開門已經要排隊，我之前曾介紹過 (可按此重溫!)

有人報料，大角咀新開了間馬來茶室，叫麥金.麥金，據聞是蘇媽個廚同前員工開的。

我沒有考究資訊是否真確，卻有興趣試試佢哋既食物，始終星馬菜對我來說總是討好。

   

風格確與蘇媽蘇媽有九成相似，也可以說是充滿檳城茶室的特色。

甫座低，店員隨即奉上肉骨茶湯，並向我們說，唔夠飲可以加。

當然，我們一定會點肉骨茶，大骨、皇帝骨、三層肉、豬肚、雞腳，乜乜乜，但我還是要回一字骨。

$38，份量俾到足，三件大大件的一字骨，來得鬆化，醮蒜泥與黑醬油，好吃。加之，湯頭夠熱，又濃香醇和，雖不是吃過最好，但在香港來說已很不錯。講真，同蘇媽是一樣味道。

老鼠粉，大概就是我們的銀針粉，配甜醬油，幾片白肉，地道！但稍嫌醬油太少，有點太乾。

炸鹵肉卷，外層脆口帶點煙韌，內含豬肉醉、沙葛等，口感豐富。能吃辣的，一定要沾在旁的辣椒醬，生色不少。

再點份咖央多當甜品吧，鬆脆又香甜，始終在香港，就是少一份炭香。

再喝埋杯地道拉茶，要捧著肚子離開。

總結：太有蘇媽蘇媽的影子！

餐廳資料:
麥金.麥金馬拉特色茶啡室
大角咀大全街6-20號大富樓地下A2B號舖