2018年7月18日 星期三

紫粵軒 - 典雅環境



食物:$$$
環境:$$$$
服務:$$$$

從我家到將軍澳,一個小時有多的車程,為的只是吃一頓晚飯,無計,外甥女BB大過天。

想安安樂樂食餐廣東菜,將軍澳選擇並不多,紫粵軒永遠是其中的Option,起碼坐得舒服。

早啲食完,可以同BB行陣商場影下相,所以有咁早得咁早,訂了晚上六點鐘。
   


大家都係懶到出汁既人,唔想傷腦筋點菜,吃套餐就最方便。


先是每人兩件叉燒,厚切,出品是偏瘦,還幸咬落鬆化,有點肉香,但我下次會要求吃半肥瘦。


套餐內容含湯品,是理所當然的事。是晚為姬松茸北菇菜膽湯,料是足,但偏咸。


跟著來的是虎蝦,個子固然巨大,宜用刀叉吃。蝦肉爽口卻略欠鮮味,靠酸甜的汁醬來調味好了。


家陣流行以黑蒜入饌,話說是健康一點,咁要來配搭邪惡的東坡肉,會否變得健康?我想心理上可能是吧!


若都係唔夠健康的話,加碼整個浸時蔬,應該可以了吧~


單尾的炒飯,用上店家的大名,所以對佢有點期望,可惜唔得爽身,味道亦偏淡,辜負了紫粵軒的名字。


以清潤的水晶梨燉桃膠作結,快快吃完,出去影相。

呢度飲茶經常滿我知道,原來晚飯都好旺場,要吃記緊早訂枱。

餐廳資料:
紫粵軒

7 則留言: