2018年6月20日 星期三

Sunprime Cafe - 工廈覓美食



食物:$$$1/2
環境:$$$$
服務:$$$$

有些朋友,不是經常見面,關係卻不會疏離,是真正的朋友,譬如是"ET"。

大家見面既次數,可能係一年一至兩次,只是間中互相Whatsapp保持聯繫,但每次碰頭,感覺倒不會陌生,總有說不完的話題。

近日收到佢短訊,約食lunch,話有些東西想問我意見,筆者自會欣然答應。

地點在官塘,卻不想去APM,食埋啲連鎖店出品。反正官塘大把工廈Cafe,好有特色。
   

呢間Sunprime Cafe,收唔到網絡,所以店員好醒趴咁立即奉上Wifi Password


點好餐,就上餐湯,是日為粟米忌廉蜆肉湯。個人其實頗喜歡這款湯,而呢碗湯,濃稠合宜,還有不少蜆肉在內,伴以香脆的蒜茸包,我諗呢間餐廳應該穩陣。


ET的主菜是羊,以幼滑的薯茸墊底,配合羊及其汁醬,幾合襯,而且攏盤認真。羊肉鬆化,紅蘿蔔軟腍,仲有幾粒洋蔥,蠻不錯。我反而覺得羊肉味道可以更有個性。


我既選擇,係蜜糖豬髀,有三隻髀咁多,拿拿聲分隻俾對方先。豬髀幾鬆化,唔怕太乾太柴,少少蜜糖芥末香,有趣,是稍稍的咸了丁點,但重口味既我們是可以接受。伴碟更有唔少蔬菜,感覺十分健康。


餐後的一杯Latte,我唔知道是刻意拉成這樣,還是拉花失敗。頗濃的咖啡底,怕苦的朋友或要落糖。

有時間的話,可以多點聚頭丫~


餐廳資料:
Sunprime Cafe

4 則留言: