2018年6月19日 星期二

簡單食堂 - 簡單是福



食物:$$$1/2
環境:$$$1/2
服務:$$$1/2

原來我喜愛的博派麵館,經已執左笠,接手的是間港式西餐廳,興趣不大,酷熱天氣下懶得四圍走,決定轉投隔壁的簡單食堂。

其實我唔多留意呢頭幾間食肆,好似時有轉手咁,簡單食堂到底係老店,還是新丁?真考起我。

公開飲食網站只有四個食評,參考價值不高,與其想得太多太複雜,倒不如信自己吧!
   


先要碗招牌擔擔麵,不是四川那種小麵,而是大碗而有麻醬的版本。因為要小辣,所以辣度不算強,滲出陣陣芝麻醬味,麵質爽口,比預期中好喎~


看見兩位店員在努力包抄手,某程度上是信心保証,即管又要份紅油抄手,同樣是小辣。


肉餡細而大散尾的抄手,似乎幾對辦。的確,皮是很滑,小小的豬肉餡柔嫩味鮮,辣油及花椒油帶出香氣,一向是我喜歡的東西。


凍檸蜜反而唔掂,唔夠凍又唔夠味,下次都係飲現成罐裝或者枝裝嘢穩陣。

查實,我仍是中意博派麵館多啲,可惜!

餐廳資料:
簡單食堂

4 則留言: