Kyoto Joe - 盛夏之約

食物：$$$1/2

環境：$$$$

服務：$$$1/2

都係果句，世界盃期間，睇波大過天。所以在蘭桂坊的老牌日本餐廳Kyoto Joe食少許嘢之後，就是睇波之時。

人齊便可以點餐，不用叫太多，反正睇完尾場，都仲要消夜，所以幾款小食就好。

健康的朋友選擇野菜沙律作開端，平日食沙律食得多，但經精心擺盤，砌到像花般美的沙律，又真不是經常可遇見。新鮮爽脆的沙律菜之上，放置了蕃茄片以及牛油果來砌花，旁邊則是大根卷，又漂亮又健康。

   

沙律菜後，來兩份他他，先是綠天使他他。不難猜，這是一款素菜，不過，經煩複處理的脆米餅，配以自家調製的微辣汁醬，還有辣紫菜，入口微辣有層次，完全不像在吃素的感覺，好吃。

香辣吞拿魚腩他他，賣相有幾分像剛才的綠天使，都是弄成像小山丘般，但這就放在羅馬生菜之上。論味道與口感，個人更欣賞綠天使他他。

再點了些卷物，大蝦海苔卷，特別之處在於隻蝦，是燒而不是炸的，配以甜甜的汁醬，有趣。

神戶和牛舞茸卷，現在做緊半價，其實用上靚既和牛刺身來做，那鮮味和入口溶化的口感，又點會輸？

是拉差薯蓉帶子燒，口感最為過癮，主要係同想似中的口感，有所出入。

本來打算就此結束，心郁郁想食甜品，就來上次也嚐過的Creme Brulee。有綠茶、芝麻以及咖啡三款不同口味，個人選中了咖啡，又幾香濃、細滑喎！

提一提，經FeedMe Guru訂枱，便可獲贈Johnnie Walker Black Label Highball一杯，但女士們請不要扮細扮唔夠秤，因為未滿18歲係無得送的。

舉杯後，開波喇喂～

餐廳資料:

Kyoto Joe

中環蘭桂坊1號2樓

28046800