南小館 - 不能期望什麼

食物：$$$

環境：$$$$

服務：$$$

小南國之副線，南小館，悄悄地殺入荃灣，落戶愉景新城，老媽子話從未食過呢個品牌，即管同佢試下。

工作關係，對本地的上海菜總算不陌生，南小館最初出現之時，行內人都覺得概念幾好，可惜捉到鹿唔識脫角。

新屎坑，三日香，即使南小館不是最頂尖的品牌，來到荃灣，相信也有一定人氣。但估佢唔到，人氣沸騰到六點已經要排隊，大概是加上節日關係吧～香港人呀！

等位既時候已經劃好要吃什麼，坐低可以即刻落單，咪阻住人家做生意。

   

一籠五隻的小籠包光速送上，皮唔太厚，內含豐富湯汁，五隻都無穿無爛，至少合符最低要求。

金網鍋貼，底部是煎得幾好，金網靚仔又脆口，形狀似元寶，衰在肉餡唔夠鮮。

生煎包就唔掂，賣相已經唔討好，四隻黏埋一舊，有一隻仲早已穿洞。吃起來少許黏牙，底部唔脆，肉餡更是敗筆。

乳鴿在做特價，所以差不多枱枱都吃，唔預佢有咩驚喜，起碼唔係乾柴柴，廿九蚊隻，不能要求太多。

人手實在不夠，斟茶加水等週到服務，暫時欠奉。

餐廳資料:
南小館
荃灣青山公路荃灣段398號愉景新城2樓2012號舖
28458899