早安越南 - 帶點玩味

食物：$$$1/2

環境：$$$$

服務：$$$

難得走到來黃埔新天地，不如食埋嘢先走人，但係，多年無踏足黃埔既我，完全唔知道呢度依家有乜好食。

沿扶手電梯上去看看，詠黎園依然屹立不倒，左麟右李都仲係度，但我最有興趣的，是這家越南菜館，叫做早安越南。

是被那有點共產色彩的畫所吸引，玩味十足，明知會是連鎖店都要入去一試。

    

幾個店員聚在一起講波，四年一度大家在工作間睇下講下在所難免，不過當時只三枱客，仍可將我的蕃茄牛腩河與其他食客的東西搞亂，似乎有點太心不在焉。

結果，我碗牛河，被人撩個之後，送到我桌上。不打緊，不影響味道的，我跟自己說。

呷啖湯，濃郁而有點茄汁的酸，味精肯定是有一點，但個人認為可以接受，河粉也來得細滑。

牛腩做得算係咁，鬆化之餘，亦保留點嚼勁，唔錯。

午餐大部份飲品是免費，包括我呢杯薄荷青檸梳打。

好refreshing的感覺！凍啲仲好～

餐廳資料:

早安越南

紅磡黃埔新天地美食坊(第8期)1樓115號舖

31522866