食物：$$$1/2
環境：$$$$
服務：$$$$
法國五月，除左法蘭西菜之外，原來Buffet也有徹合這主題。
做緊呢個主題的，是尖沙咀朗廷酒店的The
Food Gallery，搵個快樂週五，與眾同享法式自助美食樂。
遲到好過無到，是呢兩個月筆者既寫照，不求早早到達影靚相，但求可以一到同大家聚聚。換句話說，這晚又是好夜到。
影唔到壯觀既凍海鮮陣唔緊要，食到各式海鮮才是重點。開邊波士頓龍蝦，勝在多羔，龍蝦鉗其實更甜美。
生蠔兩款，紐西蘭產地的，看得出的Creamy，連吃三隻。然而，為配合法國五月的主題，Fine
de Claire也是不應忽視的。
冷盤亦加插了不少法式食品，如法式香草豬肉批、法式鵝肝批、風乾凍肉腸等，每樣吃一點，打開胃口，便向熱食進發。
咪住，都係食埋芝士先。並不是大路的Emmental,
Brie等，而是充滿法式風情的出品，個性是較為強烈的羊奶芝士、藍芝士等，重口味的朋友會更欣賞。
一眼看到即煎鵝肝，邪惡無比，令我決意要將之殲滅，一件咁多，始終年紀大，唔敢太放肆。
食生蠔未夠喉，見到有芝士焗蠔，再來兩隻。仲有白酒煮青口、牛肉串燒、叉燒燒腩仔、想吃什麼便拿一點，來個大雜燴，什麼主題，暫時放埋一邊。
好記得，呢度既自助餐有海南雞飯食，怎樣也要留些空間，吃小半碗。
粉麵檔，十間有十間都有，不過多半時間我都會放棄，皆因胃納大細，吃一碗粉或麵後，可以投降。但呢個檔口就巴閉，粉麵喇沙外，仲有蒸魚，即叫即蒸，魚頭魚尾皆可。
結尾食個龍蝦伊麵，不單是中式酒席獨有。
又朱古力批，又檸檬撻，又葡撻，仲有法式馬卡龍以及泡芙，甜胃再不敢向我投訴。
無論如何，八款哈根大師雪糕，點都要參與下。
呷口手中的Rose，忽然覺得，五月應該是會食到反肚的月份，因為除了French
May，仲有母親節...
今個母親節週六和日，自助餐仲有八折優惠，中午同晚市都係。
今個母親節週六和日，自助餐仲有八折優惠，中午同晚市都係。
餐廳資料:
The Food Gallery
我已經反肚中.....................
回覆刪除M2
刪除除咗蒸魚仲有龍蝦伊麵，真係擺酒都得喎！XD
回覆刪除仲有美點雙輝 XDDD
刪除反肚了良久！！
回覆刪除哈哈哈~
刪除