Soi Eat Thai Cuisine - 泰有緣

食物：$$$1/2

環境：$$$$

服務：$$$1/2

我份人都幾長情，昔日同我一齊打江山的戰友，無論今日已飛黃騰達，抑或生活閉翳，筆者總會間中與他們出來食餐飯，Update下近況。

某大連鎖飲食集團的財務總監，曾經因前公司賣盤事宜與筆者合作無間，想不到大家雖已各有路數，但近期都在荔枝角搵食，必須要約出來吃個午餐。

有間泰式餐廳我想試良久，但一條友總是過門不入，今次一於小試牛刀來食Lunch，滿意的話，才再食豐富晚餐。

    

大家食飯時間都有彈性，兩點鐘食，避開人潮，感覺舒服些。

午餐選擇唔少，一碟粉或者飯，連飲品，五十八至六十八蚊，免加一，我覺得吃得過。

炒金邊粉是舊同事之選，循例挑了幾條來試。顏色呈橙，炒至乾身，惹味，對食沒太高要求的『數佬』，已大讚正斗。

忽然好想食炒飯，要碟蟹肉炒飯便是。蟹肉成份尚算多，但飯炒得唔夠乾身，只屬中等水平。

泰式奶茶正宗，對於短期內都不會去曼谷既我而言，飲杯止止癮，不失為個折衷方法。

談到當年一起打拼的日子，唔知日後仲有無機會一齊合作？

時候不早了，回到現實，回到各自的工作崗位吧～

餐廳資料:
Soi Eat Thai Cuisine
長沙灣青山道454號地舖
23772298