Cafe Allegro - 龍蝦、黑松露、靚茶甜品

食物：$$$

環境：$$$

服務：$$$$

自問去過很多地方食Buffet，但惠顧富豪系酒店的次數卻少之有少，印象中，大概只是多年前吃過幾次九龍城富豪的自助餐，僅此而已。

九龍富豪的自助餐，是第一次來，皆因今期主題，係龍蝦及黑松露盛宴，似乎頗吸引。

仲未算，佢哋既甜品，係以我喜歡的品牌Tea WG茶葉入饌，更令我下定決心，要與朋友來渡過暢快一夜。

    

沒有生蠔供應，全人類的焦點就落在龍蝦之上，開邊龍蝦，多羔，但提醒自己一隻好了，小食多滋味。

天氣開始熱，總想吃些生冷嘢開開胃，刺身水準合乎預期，Cold Cut和煙三文魚每樣來了點。這晚芝士癮起，Emmental與Brie，拿了一大碟回去。

還有不少冷盤，是加入黑松露，以貫徹主題，矜貴。

既然以海鮮為主題，熱葷方面固然有不少海鮮，如蒜茸粉絲蒸青口，邪惡的黃金蝦等，四川風味的龍蝦鉗，大概是要遷就大眾的口味，辣度未算十分強勁。

作為半個食肉獸，自然不會錯過燒牛肉，這客牛是偏生的，看其色澤已經知道，喜愛這種生熟程度，若然肉香可以濃郁一點，便更迷人。另外，雖然鴨肝的甘香及不上鵝肝，但我也忍不住吞下了兩件。

家陣食自助餐，印度咖喱好像成為了必然項目，為什麼？

個人對TeaWG的東西蠻有好感，其茶葉入饌做甜品，散發出不同的香氣，令愛甜的我更加滿足。

八點正，係表演時間！師傅準時在大家面前搞火焰雪山，許多人排隊要吃，好彩仍能分得一杯羹，無理由錯過呢類皇牌項目啫。

雪糕，有Movenpick和Dreyers兩隻牌子選擇，我會向那款進攻？相信大家心知肚明吧～

自行沖杯熱檸檬茶，消消滯，免得飽到頂住個胃。

餐廳資料:
Cafe Allegro
尖沙咀麼地道71號富豪九龍酒店地庫1樓
23138718