2018年5月27日 星期日

名館 - 誰是大英雄?



食物:$$$
環境:$$$$
服務:$$$1/2

近期經濟拮据,減少了出席飯聚,老友開始投訴,唯有打腫臉充胖子,去中環食餐新派中菜。

中環的名館,色彩繽紛的迷你點心籠掛在牆上,非常新派的格局,客群不是鬼佬就是內地人,我倆說標準廣東話的,忽然變成異類。

其實,再過多唔使好耐,我哋將會成為異類,呢個你我都可以forsee到。
    


說遠了,還是翻閱餐牌,揀選心水食物。又叉燒又蒜泥白肉又小籠包,甚至有海葡萄,同埋泰式咖喱,如像帶我巡迴亞洲。


叫些點心,幾味小菜,缺乏湯水既我仲想飲個湯。


新派格局,不難想像點心也是懶可愛的出品,我們點的『老鼠愛大米』,外型似隻白老鼠,吃起來外皮軟糯,也有點像粉果的內餡,佳作。


又要了BB鴿,看個子似是妙齡多於BB。皮香脆肉嫩有汁,用手拿來吃倍添滋味,顧不了太多儀態。


再來的蜂蜜柚子蝦球,色澤偏淡,稱不上金黃吸引,但蝦肉總算脆口,如果柚子汁可以來得慷慨點,應該幾開胃的。


又飲個湯,呢度既湯,每壺是兩位份量,揀左款好架勢的,天山雪蓮海星湯,湯料足,飲完會否醫治到我內心的重傷?哈哈~


黃金球泡飯,是這兒的招牌之一。巨型黃金球的米飯飄浮在湯內,吃時將 『波波』破開,米飯浸鮮甜的湯吃,濕濕地幾開胃。


甜品叫 『詐糊』,不難想像會是麻雀造型,而且更放了美金和人民幣(偽鈔)。此乃是椰汁桂花糕,當然呢類咁抵死既東西,永遠是玩味大於食味。

當明知呢鋪係詐糊都仲心甘情願放入口食,你大概知道誰是大英雄......

餐廳資料:
名館


8 則留言: