英皇紅酒扒房 - 明星效應

食物：$$$1/2

環境：$$$1/2

服務：$$$1/2

近年，多了個明星食評家，佢叫做黃秋生。

筆者唔算太崇拜他，但對佢是正面，至少夠膽講嘢。Anyway，先撇除我對佢印象如何，以佢既份量，推介一間餐廳，唔排隊至奇。

以油麻地的村爺爺為例，一間原本名不經傳的車仔麵店，俾佢推一推，晚晚排到天昏地暗，仲多人過初一、十五，公公婆婆去輪免費飯。

月前，佢又推介過另一家餐廳，係北角的英皇紅酒扒房，我搭隧巴常常經過。

有住附近的朋友話：『呢間餐廳我間唔使都來食，OK架 !』就係咁講講下，促成了是次的聚會。

以往任何時段，大可直行直入，但今時今日，唔該早少少訂座。

熟客朋友揸fit吃什麼，原來佢已預訂了兩份這裡的名物，原條燒肉眼扒。之後再亂點些其他東西，很夠了。

牛扒和意粉原來是餐，會跟上湯和飲品。兩紅兩白湯大家分，港式的味道，勝在足料。蒜茸多士烘得香脆。

三十多度的高溫，意圖以三文魚沙律打開胃口。幾片煙三文魚厚身，沙律菜和車厘茄清新爽甜。

素來很喜歡很牛舌，有人建議來一客，我馬上附和。吃牛脷我至著重口感，呢度既出品做到我要求。

重頭戲的肉眼扒終於登場，按店員推薦要Medium。結果，出來是有點過韌，過了火，浪費了美好的牛扒。反而細滑的黑松醬薯茸，被大家狂攻。

兩款意粉，分別是大啡菇意粉，以及Carbonara。大啡菇的體型只屬中等，比較巨的大有菇在，勝在夠香，意粉口感剛好。卡邦尼的味道大致合心，只嫌汁嫌稍稍不足。

結尾的那杯咖啡，跟半島的出品一樣，苦過Dee Dee~

我不是來挑機踩場，只係和朋友開開心心食一餐，唔使問我黃秋生信唔信得過，係咪呃飯食既。

餐廳資料:
英皇紅酒扒房
鰂魚涌英皇道668號健康村地下3號舖
28883089