麵屋黑岩 - 深水埗，仍是拉麵陳天下

食物：$$$

環境：$$$$

服務：$$$1/2

平日一條友毒食，茶記或者車仔麵，是常見之選擇。不過來到快樂星期五，俾自己食好D，食貴DD ，都唔係好過份啫。

人在深水埗，選擇其實有幾個，拉麵陳的混亂拉麵、鰹之一滴，甚至行遠少少的海老名，都唔錯。只是，向來貪新鮮的我，又想試下我從沒試過的拉麵店，麵屋黑岩。

    

週五晚上，未至要排隊，但人客也不少，好在一個人來，要攝個位置並不難，坐在拉麵吧位，仲好。

事前沒做功課，不曉得那款湯底是招牌，但一眼瞄準餐牌上的黑蒜拉麵，反正晚上再沒約會，無人同我講嘢，再大口氣也沒有問題。

原裝的黑蒜拉麵，有兩片叉燒（可選厚切或火灸），一些木耳絲及椰菜絲，還有莫名其妙的一堆肉碎，卻欠缺了一隻溏心蛋，除非你額外加錢。

呷口湯，就是一個濃字，唔算有驚喜，反而火灸叉燒來得香口，岩重口味既我。麵條嘛，只能說，不是我喜歡的那一類。

三十幾度天氣，飲可口可樂，是至高無上既享受～

唔凍既喂！

見識過，便算，我還是寧可走多幾步，去鰹之一滴。

餐廳資料:
麵屋黑岩
長沙灣長沙灣道219號地下
26283369