帝京軒 - 舌尖上的詩意

食物：$$$1/2

環境：$$$$

服務：$$$1/2

帝京軒，已成為我們呢班朋友聚會的指定地點，每次都是滿桌食物，飲飽食醉的離開。

今次又點會例外，加上有朋友剛從蘇格蘭回來，帶埋枝威士忌應戰，唔知可否眾人皆醉我獨醒呢？

差點忘記講，點解我哋成日都來帝京，皆因既定期有新主題，呢期係唐詩賞饌，頓時覺得自己Elegant左。

   

事不宜遲，以三款酒香滿溢的前菜作開端，當中鮑魚最矜貴，以酒製成的粒粒啫喱，看得出廚子的心思。牛展本美味，但墊底的藕片更誘人。然而，最愛仍是醉豬手，軟腍入味。

是晚湯羹，有風雪夜歸人的芙蓉鱈場蟹肉燴雪燕，份量很大，湯頭夠熱之餘，蟹肉成份更是多得誇張。

層層疊上的鴛鴦豆腐，感覺有否像登上鸛雀樓？見仁見智。但有點肯定的是，玉子豆腐及布包豆腐均十分入味，混埋爽口的瑜耳和蟲草花，來得惹味。

隨之而來，乃係仙氣十足的糖醋蝦。採用虎蝦球，以刀叉吃，爽脆口感與酸甜味道，從來合我意，細節位是加入了無花果，令菜色多一份清甜，可惜菠蘿來得有點酸。

下一首詩篇，乃無人不曉的金縷衣。金沙南瓜香酥軟殼蟹，實在貼題。咸蛋黃與南瓜打造而成的光環，太過美味。軟殼蟹香脆得來，亦沒有炸得太乾，保留了蟹肉，以及不少蟹羔，滋味無盡，完全唔怕浪費我的Quota。

最後，呢隻鳳凰可能太嘈吵，被廚子拿去宰了吃，但落在我們口中，總算死得有價值。沒過火，雞肉很嫩，即使雞胸位亦不覺嚡口，放少許黑梵露醬，有助香氣提升。

一杯飲過再一杯，好傾未嫌夜。轉眼間，原來已十一時。

餐廳資料:
帝京軒
旺角太子道西193號帝京酒店3樓
26226161