食物：$$$$
環境：$$$$
服務：$$$$
得知荃灣開了間日式小店，風評不俗，而且距我家不遠，步行過去約十五分鐘，應要一試。
平日夜晚，懶得走上去，抽個星期六，毒自走去，大快朵頤。
明明晨早起了床，但搞下呢樣整下嗰樣，出門已是一點半。也好，避過了繁忙時間，唔使同人迫。
店子在商場偏入的位置，唔容易搵，不過如果有心去搵，總會找到。
小店大概是由一家三口的日本家庭經營，父子同心在廚房打拼，母親就出廳堂招待客人，很溫馨的感覺。
挑了咖喱漢堡扒飯，套餐有跟湯，以及汽水或日本綠茶，其他飲品則要加錢。
是日湯水，係豬肉什菜湯，非常之清甜，是大量蔬菜所達致的效果，有驚喜，我罕有地喝得一滴不剩。
咖喱漢堡扒飯，米飯是用上日本飯，軟熟，撈埋微甜而又足料的日式咖喱汁，要清碟無難度。
漢堡扒是厚身像個波，但質感鬆化，可以肯定是手打的，佳作，最憎那些死實實的出品。
喜歡呢個家庭式小店，我會再來的，或者拉埋濶太來試？
餐廳資料;
日本洋食屋 翔
你過去方便吖！
回覆刪除係呀, 一陣就行到去
刪除估唔到會有日本人開嘅小店喺荃灣，我時常以為佢地大多習中喺港島區。
回覆刪除我都估唔到
刪除No problem
回覆刪除