2018年2月3日 星期六

Three on Canton - 錘子扑海鮮


食物:$$$1/2
環境:$$$$
服務:$$$$

之前講過,差不多每星期都會食一次(或以上)自助餐,呢個禮拜都無例外,來到了Marco Polo繼續Buffet

馬哥勃羅有三間酒店,原來我只食過太子酒店的自助餐Add@Prince,今次唔再翻炒,來Three on Canton試試。

每間酒店,每個自助餐,都會有佢既主題,今期就是特色錘子海鮮美食體驗。

海鮮平日食得多,加埋錘子又係咩玩法?
     


既然主題是海鮮,我先吃點Cold Cut及火腿作熱身後,便往凍海鮮那裡鑽。



青口、翡翠螺、小龍蝦及蟹腳,每樣拿一點點回去細味個人最中意一定係蟹腳,味道鮮甜。



開邊波士頓龍蝦是超搶手貨色,轉個頭已經俾人攞晒,好彩佢補貨都好快。頗多羔,肉爽,但我食力只能吃半隻。



放在筒內的波士頓龍蝦鉗,正是今期的主角,大家請隨便用錘子扑開慢用。不過,我覺得是gimmick嘢居多,還是用鉗比較方便。拆開龍蝦殼,啖啖肉的龍蝦鉗比預期中更鮮甜,水準不賴。


生蠔是即開,不過未見特別誘人,循例吃一隻便算,保留實力好緊要。



一系列凍海鮮後,以中西式熱葷間一間場。花菇扒西蘭花、黃金軟殼蟹等款式唔少,不過最吸引我的仍是片皮鴨,雖然食力太有張,美食又特別多,也吃兩片鴨才收手。



作為食肉獸,總不可放過燒牛肉,著師傅切片生一點的給我。呢個個驚喜位,係有Yorkshire Pudding,像我呢類英國忠粉,見到燒牛肉加約克郡布甸就開心死了。



在燒牛肉旁邊,師傅在烤具類海鮮,香噴噴的,馬上請廚子給我一隻大扇貝。



粉麵沒有吃了,反而來了一小碗海南雞飯,皮爽肉嫩的出品,加埋甜醬油,以自助餐去計,收貨有餘。看見人家吃的喇沙太吸引,只恨自己唔爭氣無食力,只試了點喇沙湯,的確有水準。



甜品時間,一系列的糖果好受小朋友歡迎,當中更發現兒時常吃的大白兔糖,以及過年才會吃的利時糖。小朋友開心,大朋友既小時回憶番晒嚟。



當然仲有各式蛋糕,朱古力蛋糕看得出濃郁,士多啤梨蛋糕清新,我真係無力再吃拿破崙了。



因為,要留肚給最精彩的心太軟,自助餐做到咁香濃流心的心太軟,我是第一次見,配埋Movenpick雪糕,一定無得輸。



飽到反艇,來杯熱檸檬茶去消消滯,絕對有必要。


餐廳資料:
Three on Canton

6 則留言: