千鶴日本料理 - 祝福千遍

食物：$$$$

環境：$$$$

服務：$$$$

我覺得，海逸系的酒店，可能因為太多，名字有些好接近，有時都幾難分，尤其是紅磡區，我永遠搞不清楚。

所以相約朋友來千鶴日本料理吃午餐，我都要好細心咁睇清睇楚，去錯地方就尷尬死了。

其實就是火車站對面，商場旁邊的一間，我過來也是十分方便。

每位客人的餐巾上均會放上一隻手摺紙鶴，代表祝福，因此餐廳名字就叫千鶴，簡單直接。

    

特選御膳，款款吸引，卻又想食和牛鐵板燒，我可以點揀呀？最後，又係每人點一款不同的，大家分甘同味。

不論你吃那一份餐，均會付上沙律，這類酒店的出品，沙律菜必然新鮮，車厘茄清甜多汁，仲有醒胃的桃片，自行加入適量的胡麻醬汁，為豐富午餐作好熱身。

吃過兩款新鮮的刺身，我已經完完全全準備好要吃和牛了。

急不及待喝半碗味噌湯，吃埋茶碗蒸，便向和牛進攻。因為朋友的午餐有薄燒，所以我就要厚切，五成熟好了。看上去好似有點過熟，不過入口鬆化嫩滑，連蒜片一同放進咀巴，很好。旁邊的黃椒及紅椒，清甜爽脆。

和牛鐵板燒套餐還有炒飯，炒得乾身，不過份量實在多，細食既我難以清掉。

試了朋友的薄燒，入口溶化的感覺更強，包裹蔥蒜吃，惹味非常，結果又偷多佢一件來吃。

估佢唔到，原來呢度既天婦羅咁鬆脆可口，掂喎！

大概是食物太美味了，再加上我們是癲的，又點了串燒以及西京燒銀鱈魚。先講串燒，免治雞肉口感唔錯，牛舌保持爽彈質感，但已沒食力再嚐雞軟骨了。魚油充盈的銀鱈魚，好難會唔好食囉。

套餐有跟雪糕，六款口味選一，我隨口說要紅豆雪糕，反正大家都係些牙食。原來，我既選擇係最好食的，紅豆味足，太精彩。

下次再來，喝點清酒吧～

餐廳資料:

千鶴日本料理

紅磡都會道7號都會海逸酒店8樓

31606898