海外篇：Karat Cafe - Old is Gold

食物：$$$

環境：$$$$

服務：$$$1/2

晨早八點幾由香港飛檳城，再轉巴士去怡保，抵達酒店時已近黃昏五點。舟居勞頓，肚子又不斷地打鼓向我投訴，卸下行李後，馬上找地方醫肚。

不想再坐的士出市中心，隨便在酒店附近找個地方吃便是。呢間Café距酒店大概五分鐘腳程，不作他選。

餐廳Slogan係Old is Gold，可以知道，整個地方都是以舊佈置為主題，事實上，這個Building也根本是舊。

     

長走廊旁放了幾張桌椅，飲杯嘢食枝煙，有些人會坐呢度。

用餐區就在入面，會看見餐廳擺放著不少舊東西，衣車、撥輪電話、打字機、公仔箱電視等，牆璧上的一切，也是從「舊屎」找回來的，包括呢幅長江貿易藥行。

怡保天氣好熱，來杯凍飲在所難免，不過檸檬茶水準真是平平，或者是我茂李，好叫唔叫，要飲檸檬茶，你估呢度係港式茶記咩？

整個牛尾湯飲下，洋蔥、芹菜、紅蘿蔔、牛尾等，頗足料的。看上去幾清的一個湯，猜不到會幾辣，大概是黑椒作搞事。

兩個主食，加客炒飯吧～店員沒有詢問牛扒的生熟程度（或者是溝通問題，佢哋既英文麻麻），出來是過熟了，有點兒韌。滿以為選磨菇汁就不辣，成品卻仍有少許辣勁，當然我是沒有問題。

熟的三文魚好難會好食，所以，這兒的出品，也真是略為太熟，唯幸魚皮香口，檸檬白汁醒胃有層次。

以為辣的炒飯，卻又是完全不辣，完全猜不透。然而，這炒飯雖不辣，但十分惹味，我覺得幾好食。反而兩隻炸蝦，就無咩吸引力。

第一餐，其實也不會太講究。

餐廳資料:

Karat Cafe

Jalan Sultan Abdul Jalil, Ipoh 30000, Malaysia

(60) 12 596 4200