新華茶餐廳 - 蛋撻與奶茶

食物：$$$$

環境：$$$$

服務：$$$1/2

雖則經常有機會吃離地嘢，但如果要我獨自找吃的話，我是會選擇一些平民小吃，菠蘿包、蛋撻和奶茶，從來是我的Comfort Food。

其中一間我喜歡既茶餐廳，是長沙灣的新華，真係由細食到大，我小時住蘇屋架嘛。

屈指一算，對上一次吃新華，無一年都有大半年了。

    

某天行經，見蛋撻麵包新鮮出爐，忍唔住走入去歎下，反正那天我無事做，大把時間。

食左咁多年，我當然清楚，呢段時間入去，搭枱是在所難免。

蛋撻是酥皮，新鮮出爐熱得燙咀巴，咬落鬆化，蛋香十足，吃得滿意。講真，蛋撻夠熱，點都唔會難食。

只要揀岩時間，熱辣辣的菠蘿包，總是鬆脆而包身軟熟，香氣撲鼻而來。如果你吃的不是這個質素，大概是你來錯時候。

已再無食力吃雞批，飲埋杯奶茶便好。今次的奶茶，幼沒有太多，茶味香濃，好像有回勇跡象，是令我開心的一件事。

放心，我必定會再來，重溫佢既沙嗲牛肉飯。聽說水準變差了，我希望是流料，要親身試過才心息。

餐廳資料:

新華茶餐廳

長沙灣青山道334號

23873698