魚河岸 - 便宜是賣點

食物：$$$

環境：$$$1/2

服務：$$$1/2

甚少幫襯荃灣廣場一田內的食店，印象中只惠顧過一間拉麵店，小準不俗，可惜經已結業。

在唔知食咩好既情況下，誤打誤撞走到一田，索性求其找間食店搞掂便算。

呢間魚河岸，沒太多人，見有麵有飯有烏冬，不作他選。

    

店子有些炸物小食等供應，小朋友可能會中意，但我可能年紀大了，興趣不大，叫個麵叫個飯好過。

點個關東煮零糖麵，各式煮物個子巨大，口感正常，唯獨是福袋年糕的質感我不是太喜歡。

第一次食零糖麵，看上去似幼身的河粉，但質感較嚡口，不屬於我欣賞的類型，但一試無妨。

滑蛋豬扒飯，四十個大洋，跟埋碗湯俾你，經濟實惠。味噌湯唔好期望太高，豬扒飯外層已沒半點脆口，質感腍得有點假，不過我深明一分錢一分貨的道理，沒有太多投訴。

薪薪日上，岩聽，今年要賺多啲～

食完記得將托盤和食具放回餐盤回收車，做個有公德的人呀！

餐廳資料:

魚河岸

荃灣大壩街4-30號荃灣廣場4樓一田百貨美食通

25039090