食物:$$$
環境:$$$1/2
服務:$$$1/2
(頒獎禮Mode)
無拿拿,被冠以2018自助餐達人既榮譽,我真係無諗過…(激動到喊既樣子)
Umm…呢個榮譽唔係屬於我一個人,要多謝我既團隊,美術部總監、攝影屍、燈光屍、武指、場務、聯絡等,無左任何一個,我都唔會有呢個榮譽。
唔好「撩」我,我未講完,我會係餘下既十一個月,繼續努力咁去食Buffet,Thank you so
much!
哈哈哈!癲夠!講番今遍既主題,無錯又係自助餐,是香港珀麗酒店協奏坊既Buffet。
大角咀的協奏坊吃過數次,港島區呢間反而未試過。在銅鑼灣區搵三百蚊有找的食助餐,幾乎是不可能的任務,但呢度就係了。要成為真正既達人,我要食埋佢,哈哈~
一於由冷凍海鮮開始,鱈場蟹腳、麵包蟹、大蝦、小龍蝦及青口等,應有盡有,如果有埋生蠔就好了,不過咁既價錢,我知我既要求係過份左少少。
每人還有半隻的凍龍蝦,開邊的波龍很爆羔,肉質唔怕嚡烚烚,膽固醇萬歲!
最吸引我既地方,有呢幾煲:意式蕃茄燉牛肚、韓式部隊鍋、雙冬羊腩煲,以及馬拉肉骨茶。尤其是最後者,一字骨鬆化,茶湯喝得舒服,仲可以配埋油炸鬼,要Encore。
其他熱葷都合格有餘,蒜茸粉絲蒸龍蝦鉗來得惹味,煎魚火候還好,更氣涼梗要吃糯米飯,仲有我愛吃的星洲胡椒蟹,可惜是用上麵包蟹來製作。
刺身也算得上是這裡的強項,三文魚、希靈魚大致新鮮,北寄貝唔會韌得像趙擦字膠,當然呢個價錢,請不要期望會有牡丹蝦和海膽任食。
鴨肝雖然沒有鵝肝咁邪惡美味,不過我也吃了兩份才收手,好細粒架,我唔係好過份啫。
雖然沒有專屬的粉麵檔口,但呢個越式牛肉粉又幾好食,不比其他酒店遜色。
甜品前來點芝士,這兒的芝士款式都是比較平易近人。
甜品選擇稱不上特多,但各式蛋糕水準幾好,尤其是特濃朱古力蛋糕,確實的濃郁可口,士多啤梨蛋糕清新,芝士蛋糕細滑,吃了不少。
到底多少年沒吃過唧唧冰?
餐廳資料:
協奏坊
你漏咗未多謝譚玉瑛姐姐呀,哈哈! XDXDXD
回覆刪除死火
刪除唔好太激動住,今週三個場會更加豐富震撼啊!XD
回覆刪除我係咩屍?
回覆刪除菠蘿粉絲~
刪除