2018年1月25日 星期四

麥奀雲吞麵世家 - 殺入荃灣


食物:$$$1/2
環境:$$$1/2
服務:$$$1/2

近日發現有老字號雲吞麵店進駐荃灣,我想說的,是麥奀雲吞麵世家,落戶荃新天地一期。

講開又講,呢排忽然多了老店殺入荃灣,就是蓮香也將在綠楊插旗,荃灣真係咁吸引嗎?

說回雲吞麵店,荃新天地附近已有幾間平價乒乓波雲吞麵,在荃灣呢個低消費力的地區,賣幾十蚊碗連筆者也吃不飽的細蓉,能站得住腳嗎?且拭目以待。
    


新屎坑,至少香幾日,十二點左右已幾近坐滿客,年的店員忙得不可開交麵檔師傅努力地淥呀淥。



點完餐後,醋碟、筷子及茶一併奉上,茶是不另收費的,當然不要天真的期望是什麼靚茶葉。



一個湯麵與一個撈麵,已大概能了解店家的功架。先來碗細蓉,是雲吞在底,匙羹放中間,金絲麵鋪面附有韭黃的傳統格式,份量也就是正宗的細。



依習慣先呷啖湯,夠味,卻差一點大地魚的香。麵條幼細,但質感太軟腍,個人較喜歡有咬口的還好沒有陣陣鹼水味。一碗四粒雲吞,細細粒容易食,雲吞皮滑,豬肉餡及蝦餡比例各半,味道還可。



炸醬麵的份量同樣少,就連肉絲亦不多,還好炸醬不是營光橙的駭人出品。跟的湯與雲吞麵湯無異,麵條水準亦然,不過撈埋炸醬都幾醒胃,三扒兩撥可以吃清光了。




唔收加一,感覺上好很多。


餐廳資料:
麥奀雲吞麵世家
荃灣楊屋道1號荃新天地地下

4 則留言: