2018年1月26日 星期五

Harbour Grand Cafe - 係呀,我又食Buffet!


食物:$$$1/2
環境:$$$$
服務:$$$$

呢兩年,食Buffet己成為我生活的一部份,差不多每星期都在吃自助餐,我自己都覺得誇張。

Harbour Grand Hong Kong,只去過飲囍酒,食自助餐還是第一次,未試過的我總會有興趣。

對住個海景食Buffet,係呢度既賣點之一。可惜公路上的隔音屏阻了些視線,否則會是更高的享受。
    


講番嘢食,款式唔算少,由冷盤開波。Cold Cut、莎樂美腸、煙三文魚及蕃茄水牛芝士等,有助打開胃口。平時食Buffet好少食煙鴨胸,但呢度既出品,是看得出的好吃。



芝士由平易近人的硬芝士Emmental,到我喜歡的Brie,以致性格剛烈的Blue Cheese,一應俱全。以餅乾伴吃以外,更愛加入些杏甫肉、芒果乾及無花果等,滿足得多。



埸內亦有不少凍海鮮選擇,包括凍蝦、青口、翡翠螺,更多人追捧的是蟹腳及開邊波士頓龍蝦,但我認為最正的是麵包蟹,好鬼多羔。



生蠔是即開的,分別來自美國、愛爾蘭,以及法國。不用多問,最合心的必定是法國蠔,其次是愛爾蘭的佳麗。



中西式熱葷都幾多款式,中式的最愛歡迎是炒龍蝦鉗,蒸魚罕有地不是原條,而是斬件的比目。還有些點心供應,例如燒賣、叉燒包等,一致認為粉果是最好吃,帶出童年的味道。



西式的必要數到炸魚薯條,用上銀鱈魚來做,香脆粉又唔會過厚,不怕太乾,自助餐有呢個水準真係無得輸。另外紅酒燴牛尾也是必吃項目。



作為食肉獸,即使再飽,也不能錯過燒牛肉,最多拿回來跟大家分享。



壽司與刺身,吃一點點即可,我胃納始終太有限。不過,冷麵就點都要食,我實在太喜歡日本冷麵。



有印籍師傅坐陣,呢度既印度嘢食,起碼正宗,是信心保証。



臨近過年,還有機會試幾款賀年糕點,包括罕有的桂花天山雪蓮糕、黑松露乾貝芋頭糕及乾貝鵝肝潤腸蘿蔔糕,有驚喜喎!



今時今日,自助餐用Movenpick雪糕已不是新鮮事,呢度都係用上呢個名牌子,十二款口味。



西式甜點還有小巧的馬卡龍,以及各式各樣的蛋糕,同埋綠茶噴泉和麵包布丁等。仲有中式的豆腐花,但最吸引的,是極少有的越南甜品,要來試啦!




還有養顏的燕窩燉蛋白,女士們一定愛死。

餐廳資料:
Harbour Grand Cafe

6 則留言: