泰麵膳 - 止止癮

食物：$$$1/2

環境：$$$1/2

服務：$$$$

曼谷回來後，好像對泰國美食上了癮，不論好醜，偶爾也想食番餐泰菜。

話說，上次本想來食Lunch，可是由十一點半開始，等足半個鐘，小店仍是落半閘，由於時間不許可，唯有過對面食乒乓波雲吞麵。

這天，下午約四點，肚子有點餓，醒起過來吃碗船麵，應該吃得成了吧～

 　　　

呢個時間，雖不是爆滿，但客人陸陸續續咁入，生意看來不俗，聽聞剛開業時晚晚排大隊的。

一心是來吃碗牛肉船麵，所以即使其他的食物頗吸引，也不作他選。

深沉的湯式已預告給我知會是不錯，依習慣呷啖湯，的確濃郁可口，略帶微辣，合心意。用上安格斯牛，嫩紅的牛肉片入口嫩滑，牛小排則來得鬆化，牛丸口感彈牙，唔怕死實實。只是，黃麵雖爽身，卻暗藏鹼水味。

早上飲過奶茶，所以便放棄了這裡的泰式奶茶/咖啡，改來杯青檸菊花茶。糖漿按個人口味自行加入，幾好既安排。據店員說菊花茶是自家煲制的，喝一口，相信所言非虛，幾有質素。

當然，在香港食嘢，仲要係尖沙咀區，價錢無可能與泰國相提並論。

不如Plan下去泰國食嘢買嘢吧！

餐廳資料:

泰麵膳

尖沙咀寶勒巷1號玫瑰大廈地下E&F1號舖

27883060