2017年10月23日 星期一

Fringe Club Colette's - 給自己一個讚!


食物:$$$
環境:$$$1/2
服務:$$$1/2

與久未露面朋友食Lunch,仲打算揀間正既餐廳,點知一時失策,忘了他初一十五要吃素。咁咁典算呀?

不如放佢飛機啦,我曾經有一下子這樣的衝動。不過,最後還是良心發現,決定應約。

最多之後去咬雞髀,加兩串辣魚蛋,整多罐可樂獎勵下自己。

用餐地點交俾佢話事,我已無所謂。佢提議去藝穗會二樓的Colette’s,我才知道原來有呢個咁既地方。

從下亞厘筆道入,拾級而上,會發現一個小地天,是素食自助餐。
    


先到收銀處付款,店員會俾一隻碟你,慢慢享受。


飲碗湯頂頂肚先,酸酸的夠醒胃之餘,內含唔少菇類,作為熱身也不俗。



食物選擇不算多,我隨意每樣取了些回來,砌滿一碟。沙律著量食啲,鬆軟的班蘭麵包反而幾好,塗上蒜香牛油更合適吃了兩輪才收手。重口味的我亦主攻幾款芝士軟硬通殺。始終,要吃些長通粉,以及薯仔感覺才會飽肚。



第二輪除了要再安哥飽肚的長通粉外吃少許生果與沙律作結,我夠了。




為響應環保,餐廳是沒有提供飲管的,其實都係小小的一步支持下保護下地球,很好,唔用飲管又有乜所謂呀!

餐廳資料:
Fringe Club Colette's

6 則留言: