2017年10月17日 星期二

Amo La Pasta - 為試窩夫而來


食物:$$$
環境:$$$1/2
服務:$$$1/2

看見人氣博客劍心在Fb的帖文,說這家位於荃新天地的Café既窩夫,頗有驚喜。同是荃灣人的筆者,反正經常會在該區搵食,抽個時間去親身體驗下,實屬正常不過。

曾經中午經過,午餐買三送一,但也不滿座,似乎生意難做,希望晚市會是另一番景象。

一心想來吃窩夫,所以兩個人只點了一份晚餐,另加一客窩夫,唔夠先再算。
    


選的是最便宜的一款,帶子露筍紅菜頭意粉。跟餐有餐湯、麵包、甜品與飲品才九十八個大洋。



餐湯只有一款,無得揀,無機會成本,是南瓜湯,比較淡口,最大問題係唔夠熱,反而蒜茸包卻恰如其分。



意粉賣相無咩問題,口感亦可接受,不過紅菜頭味的意粉,感覺總是怪怪,是我接受能力太低了嗎?兩粒帶子火侯拿捏麻麻,過了火,吃起來有點韌,有少許失望。



跟餐的甜品係提拉米蘇,反而有點水準,質地濕潤,味道濃郁,唔通強項真的在於甜點?



好了好了,特級窩夫終於登場,巨型的賣相總算是謀殺菲林之作,雖不致頂級水平,至少唔怕硬轟轟死實實,伴上各式生果與雲尼拿雪糕,仍是合格的分數。或者在荃灣,或者這個價錢,真不能要求太多。




飲埋杯凍檸茶,都咪話唔飽。附近屋苑的住戶,有八五折優惠。

餐廳資料:
Amo   La   Pasta

6 則留言: