Heima Heima - 長洲安樂窩

食物：$$$1/2

環境：$$$$

服務：$$$$

抽起條筋，想入長洲透透氣，立馬放低手頭上的東西，坐言起行。

說起來，對上一次落長洲，冇十年都有八年，還記得吃過海鮮、魚旦粉、薯塔等，當時大魚蛋好像仍未興起。

再對上一次，就是看長洲飄色，人山人海，熱到阿媽都唔認得，只吃了老麥的磨菇漢堡。

今趟入來，目標直指悠閒的咖啡小店，平日到來，相信不會太多人，可以靜靜地放空一下自己。

 　　

店子距碼頭頗遠，在西灣那邊，走路的話大概要廿分鐘，踩單車約十分鐘，最快捷舒適是坐街渡，數分鐘便可到達。

充滿北歐風情的咖啡店，店子面積不大，只有十來個座位，卻布設一個房間，而且更鋪上塌塌米，是個小小安樂窩。

在Counter付錢買嘢，店主會將食物送上你面前。由於店子只有一人(聽暈聞假期佢先生會來幫忙)，煮嘢、沖咖啡、收錢、捧餐、清潔等一手包辦，所以請俾小小耐性。

我點選的是All Day Breakfast，車厘茄多汁，沙律加入黑醋好醒胃，雞蛋雖未算炒得很滑，但加入了松露醬就很香，還有咸香軟熟的巴馬火腿，以及香腸。要挑剔的是焗豆，如可加熱會較好。

咖啡也就是我習慣喝的Latte，有著拉花，奶泡綿密，喝得舒服，水準比預期中出色。

原本寧靜舒適的小天堂，忽然被五名講「煲冬瓜」的大小徹底破壞了。坐完呢度坐嗰度，嘈喧巴閉，不懂半點公德心。

餐廳資料:

Heima Heima

長洲贊端路25號地舖

6078 3417