2017年8月15日 星期二

McSorley's Ale House - 英式吧的印度自助餐?!


食物:$$$
環境:$$$$
服務:$$$$

走入英式酒吧,本來都係打算食炸魚薯條,或者漢堡包咁啦,但竟發現有自助餐供應?唔係卦!

是印度自助餐,逢星二供,晚上$168/位,來中環來說,應該是很吸引的收費。

既然有任食,在朋友沒異的情那就一試吧!
   


先奉上一籃子Naan Bread,以及脆片。新鮮出爐的Naan,熱辣又軟熟,來醮咖喱汁吃確實一流。但其實,脆片是更討我歡心。



當然有咖喱去配Naan,既有咖喱雞,又有層次豐富的羊Rogan Josh,同埋MasalaDal Takda,幾款的辣度均沒預期中強,但香料的層次十足,稍稍偏咸但做法是正宗,皆因逢星期二的這自助餐,都是由印籍主廚親自主理。



除了以Naan和脆片配咖喱汁外,當然亦大可配飯,檸檬飯是是夜之選。



印式燒雞是我在英國讀書時最喜歡的食物之一,當年學校Canteen又美味又抵食,十多年後終能回味這香口的烤雞,真開心。而Vegetable Samosa的包法也很正宗,金黃又漲卜卜的很吸引,坊間有些包得像飛醥的,得啖笑。



眾多肉類和重口味的東西後,出去拿點色彩繽紛的沙律,伴以不同醬汁,中和番下。



來些水果吃,是有必要的。




甜品原來只得一款,是熱情果芝士蛋糕,叫做慰藉下甜胃罷了。

餐廳資料:
McSorley's Ale House
中環史丹頓街46號地下

6 則留言: