2017年8月22日 星期二

一起果醬 - 7788九宮格


食物:$$$1/2
環境:$$$1/2
服務:$$$1/2

若果你仲未知7788是什麼,算罷啦,你應該都無咩留意我個Blog,唔需要明架喇!

7788Part Two,即八月份的飯局,又是經過重重波折,終於定了在一起果醬舉行。是尖咀分店,大家唔會無拿拿走入西貢咁遠喇~

提起果醬,我第一時間想起兩位食友,一是做果醬做得出神入化的Wilson,另外當然就是果占苗吧~
   


推門進去,以為大把枱,原來多半是Reserved,好彩我哋訂左枱,否則好可能要轉場覓食。



四個人,點三份主食便可,因為都要留位置吃甜。先有黃金蟹肉軟殼蟹意大利粉,意粉混入唔少蟹肉,以及蛋黃,屬重口味之選。頂頭加入半隻軟殼蟹,若然可以炸得再香脆熱辣一點就好。



慢煮黑毛豬的水準亦不賴,上桌時已幫你切好喜歡其做到點點爽彈的口感,肉質沒有過韌,跟肉桂蘋果汁,原來也匹配。



法式油封鴨髀係我既選擇,皮脆,帶有點點油香,肉質亦不怕太乾太硬。今時今日的紫薯茸,當然唔會甘於成為配角,香甜軟滑可口。附以丁香橙醬,有效減低油鴨髀之油膩感。



甜點之一,有招牌的果醬九宮格多士,即多士之上,塗上九款不同口味的果醬,有性格剛烈的黑糖四物醬,有大路的肉桂蘋果醬,也有清潤的冰糖木瓜雪耳醬,仲有我至愛既清新醒胃系列,包括桂花雪梨醬、雜莓,以及很特別的蛋黃菠蘿醬,一次過滿足多個願望。



就以果醬雪糕窩夫來孝敬兩位八月之星,雪糕是付有雲尼拿籽的優質出品,與開胃既蛋黃菠蘿醬好夾檔窩夫都厚身而鬆脆,要挑剔是熱度未夠,否則冷熱交融既效果,必更精彩,但這其實也合格有餘了。



原本想飲果醬奶昔,但我又再再再次發揮地獄黑仔王既本色,人家部機壞了……,唯有要回一杯拿鐵吧~


希望我既黑氣,過埋八月就會散,九月大家順順利利,有啖好食。


餐廳資料:
一起果醬

5 則留言:

  1. 件toast好正呀有咁多種jam可以試!

    唔知你地7788第時會唔會加碼收多幾個7月8月之星做members呢,嘻嘻!:)

    回覆刪除
  2. 個Waffle好開心呀,多謝安排!!!

    回覆刪除
  3. 滿有驚喜的生日飯,多謝安排!

    回覆刪除