Instagram

2017年7月23日 星期日

Solemate - 鶴立雞群!?


食物:$$$1/2
環境:$$$$
服務:$$$1/2

青衣美景花園,是個消費力頗弱的地方,素來只有茶記及平民小店,做下街坊、同埋附近IVE學生的生意。

近兩、三年,呢度開設了一間裝修很有特色的西餐廳,十分突出,店主更是半個明星女廚師,在這裡會是鶴立雞群嗎?

想試很久了,但很難找朋友山長水遠走來這屋村吃一餐,一條友食西餐又好似太毒了些少,所以遅遅未來見識。

不過,機會始終會有的,飛雲。
    


散叫的價錢也真不便宜,首次前來,還是點選兩份晚餐比較穩妥。湯或沙律,不可兼得,要二擇其一。各來一客,大家分享。



西蘭花忌廉湯,香濃又沒有一股草青味,水準之作。沙律菜來得新鮮爽脆,還配幾片Cold Cut,突顯誠意。



主菜同樣打算開心些牙,先講羊架,有三件,都幾慷慨。點餐時店員沒有詢問生熟程度,還幸成品是偏生,對我口胃。友人試了一件,嫌太生難以嚼開,我倒覺得不是太大問題,反而羊羶味若能重一點,會更得我歡心。



相比起羊架,大家更喜歡BBQ燒豬筋骨。燒烤醬味帶濃甜,豬筋骨鬆化,可口。伴碟之薯角,也有一定的吸引力。



套餐沒跟甜品,又不想散點呢度既甜點,喝埋杯咖啡,便匆匆離去。多謝友人請客!




其實,我們是去青衣的另一屋苑,吃甜~


餐廳資料:
Solemate

8 則留言: