2017年7月19日 星期三

貴麻橋咖喱屋 - 久違了的生咖喱


食物:$$$$
環境:$$$$
服務:$$$1/2

貴麻橋咖喱屋,位置稱不上隔涉,卻往往被人忽視,只是多年前戚美珍的飲食節目《珍情品味》,為此地掀起了小高潮。

早在讀書時代已幫襯,七年前撰文介紹過這兒的咖喱,我覺得呢度既出品,很合我心,只是,價錢真的偏貴。

數年沒來,今時今日佢既咖喱仲得唔得,收幾多錢,筆者毫不知情。

兩條麻甩佬,食咖喱就至好,竟然再想起這久違了的地方,希望佢水準仲Keep得住。
    


唔使講咁多,啤啤佢先,來枝Erdinger的黑啤。這牌子的啤酒不難找,但黑啤就是第一次見。沒健力士般苦,口感卻更厚實,又唔錯喎!



除了必吃的咖喱以外,店員推介羊鞍,即管試下黑椒羊鞍。成品似模似樣,羊鞍鬆化,邊位帶點肥脂,更甘香黑椒沒有太辛辣保留了羊的點點羶香。配以炒香了的洋蔥及三色椒,滿意。



生咖喱與普通咖喱也點了,由生咖喱牛脷說起。炒過的生咖喱,十分香口,牛脷口感爽彈,加埋洋蔥,依舊保持水準,我中意。但近百元的咖喱,係呢區真係難搞些少。



要了法包和印度薄餅來伴咖喱,個人較喜歡後者,仍保持酥脆,後來大家要追加一份。



另一客是咖喱雞球,沒生咖喱的香口,但有放椰汁,完全是另一番滋味。雞球質素不過不失,及不上當年的好。




仲有一樣嘢無變,就係咁多年,店方仍只收現金。

餐廳資料:
貴麻橋咖喱屋

5 則留言:

  1. 禾又鄕里出城啦,唔識咩係生咖哩添,嘻嘻!^"

    回覆刪除
    回覆
    1. 鵝都五適,上網搵了好似係自創門派,炒過特別香,云云...

      刪除