協奏坊 - 三百有找的自助晚餐

食物：$$$1/2

環境：$$$1/2

服務：$$$1/2

咪話我只去五星級酒店食自助餐，其實只要性價比高的，什麼檔次的酒店Buffet我都唔會錯過。

市中心，二百八十八的自助晚餐 (須五天前預訂)，仲有係龍蝦為主題，配合Movenpick雪糕，大家有否兜得匪夷所思？事實上，真有地方做緊呢樣嘢。

我所說的，是九龍珀麗酒店的自助餐。

   

一開波就向凍海鮮進發，蟹腳、青口、蝦等，統統唔放過，最中意始終是蟹腳，幾鮮甜。

Cold Cut有唔少款式，芝士也吞下了兩款，沙律見是新鮮拿出來，又不客氣了。但還不及白酒龍蝦凍吸引，為這主題而設的出品，賣相精緻，酒香頗重，感覺清爽。

壽司與刺身，尤其是後者，是要排隊的項目，但我要保留食力，淺嚐便可。

熱葷有豬頸肉、日式墨魚餅、煎魚柳、仲有以配合主題的龍蝦伊麵，但個人更喜歡這裡的咖喱，是晚兩款，巴東咖喱雞，雞髀部位多的是，辣勁也來得強勁。青咖喱牛腩都唔輸蝕，鬆化入味。

眼見圓圓的大芝士，是有意大利麵嗎？原來，意大利麵與飯，輪流上場，是晚就係意大利飯，當弄愈煮愈香。

喜歡吃牛的我，遇上燒牛舌，點會唔心動。吃了兩條脷，口感與味道尚可，但要小心熱。

龍蝦薄餅，我相信又是為此主題而設，不難想像又會成為搶手貨。

波士頓龍蝦是位上，每人半邊，體型跟想像中差不多，啖啖肉，你滿足嗎？

Pancake玩自助，整得唔好食係自已問題，與人無允，唔好賴廚師。不過，我又點會整得難食丫～

米糠布甸、藍莓芝士餅、泡芵及芒果布甸等，也試了點，不過點都唔及矜貴的蛋白燕窩，手快有快慢無。

主角，唔使問阿貴，Movenpick雪糕任你上，甜胃大呼正呀喂！

用我個Promotion Code : 「Fabrice17」，就可以優惠價$288 (已包加一)，長者或小童$188享用，不用五天前預訂，也不用列印優惠劵，截至九月三十號。

餐廳資料:

協奏坊

大角咀大角咀道86號九龍珀麗酒店2樓

3919 8228