食物:$$$1/2
環境:$$$1/2
服務:$$$
不定期要與舊同事聚聚頭,收收風,索索料,八卦下,才不致與「社會」脫節,對嗎?
許多時侯,這類舊同事飯局,也是由小弟去選用餐地方,每次要求均是在港島區,平靚正。
灣仔船街的嚐館,即前身榮興的位置,是我一直想試的食肆,據聞價錢合理,味道不俗,又比星記/ 生記等街坊名店寧靜,方便吹水,所以今次就提議前來,希望我無俾人老點。
坐落無耐,看到熟口熟面的人,但不是我的舊同事,而是某位局長(文章出街時已是前局長了),當然佢係坐房。
大家都不是健康飲食之人,是晚蔬菜欠奉,全是煎炸油膩香口嘢,熱氣到盡頭。首先出場的熱氣之選,乃椒鹽豆腐,外脆內嫩,質感輕怡,一粒又一粒放入口,好快清碟。
另一款香口嘢,係蝦多士,每人一件。新鮮炸起很燙口,蝦肉彈牙,多士鬆脆,唯味道略淡,要靠日式芥末去吊味。
墨魚膠油炸鬼,既是火鍋配料,亦可以是一道香口小菜。脆卜卜的油條跟彈牙的蝦膠,口感層次肯定好,不過記得趁熱食,放涼了油條變硬就不好。同埋,呢度又係配上日式芥末,個人認為,跟上甜酸汁,會更美味。
再來便是香煎鵝肝,兩件鵝肝雖甘香,卻未能達致外微脆內溶化的口感,不過面對邪惡食物,我仍是沒有抵抗能力。另一有趣的地方,是伴碟,看上去像石春的粒粒,查實是朱古力糖,跟鵝肝夾嗎?
蠔仔粥成為是晚最「善良」既一味,味道還好,蠔仔粒粒飽滿,有鮮味無腥味,大可收貨。
話到明邪惡到底,甜品亦來一碗我至愛的芋泥,食死擺就。
愈傾愈多搞笑事。的確,今時今日做餐飲實在太多奇人奇事,材料足以出書跟大家分享。
餐廳資料:
嚐館
灣仔船街1-7號寶業大廈G至1樓
37071115
除咗嗰幾粒石春古力,其他食物都好啱口形喎!
回覆刪除哈哈哈~
刪除巧克力糖搭配鵝肝??
回覆刪除這是什麽樣的搭配啊,哈哈~
我都係第一次見, 哈哈~
刪除等你出書分享~~~
回覆刪除要R個出版社嗎? XDDD
刪除芋泥啊!
回覆刪除正
刪除