食物:$$$$
環境:$$$$
服務:$$$1/2
官塘的工廈食肆多的是,好些是值得試的,但也有不少是伏,單靠公開飲食網站的笑/ 喊面,難以判斷食肆之虛實。
說我為食也好,說我富冒險家精神也好,我是不介紹跟朋友去試新嘢的。如這晚友人說要來工廠區找吃,試那一家,我任由佢來話事。
當然,我呢個朋友,是絕對信得過,否則我都唔會咁放心跟著走。
由她引路,來到巧明工廠大廠。我心想,不會是Oldish卦?我去過啦喎!幸而,她是帶我去三樓的HOW~
頗大的面積,除了餐廳以外,還有賣衣服、飾物與家品,跟樓上的Oldish的格局有幾分相似。
晚上都九成滿,真不要說官塘工廈呢邊無晚市,爭在你識唔識做。
因早已打算有下場,所以二人只點了一客晚餐,加一份小食,好彩店員很友善,沒有黑我面。先來套餐的沙律,份量雖不大,但菜蔬大致新鮮,配以日式芝麻醬,感覺唔差的。
小食的黑松露芝士蛋餅隨之送上,賣相不俗,濃香芝士跟上嫩滑的煎蛋,已是無得輸,再配以松露醬增添香氣,我收貨了。
主菜的西班牙黑毛豬,帶骨,且非常厚身。起初會擔心咁厚身會否好韌好嚡口。用刀切下去,就知道我是杞人憂天。肉質是相當鬆化,調味到位,連骨的位置更加精彩。伴碟之薯蓉,以及青蘋果醬,絕不是茄厘啡,毫不遜色,乃高水準之作。
套餐跟上之甜品,是紅豆抹茶雪糕,外表有點不修邊幅,但味道是可以的。
一杯抹茶拿鐵作結,再往下一個目的地進發。
餐廳資料:
HOW
好少見你飲green tea latte喎,呢杯滿意嗎?
回覆刪除可以丫
刪除下場好似好正咁wor
回覆刪除你知道係邊嗎?
刪除等你揭曉~
刪除就是高興囉~ XD
刪除西班牙黑毛豬好吸引啫!
回覆刪除唔錯架
刪除