2017年7月1日 星期六

Bistro on the Mile - 龍蝦,受死吧!


食物:$$$1/2
環境:$$$$
服務:$$$$

你又去Holiday Inn食飯呀?對~

你又去食自助餐呀?對~

你又去Holiday Inn食自助餐呀?

Umm…其實,我從來未食過Holiday InnBuffet囉,雖然講出來大家都未必相信,不過是真的。
   


原來,每逄星期五及六,呢度既自助餐都以龍蝦為主打,各式各樣的龍蝦食品源源不絕,任你攞過夠。再加上基本的凍海鮮與生蠔。單是這點,足以令老饕食指大動。



唔客氣以波士頓凍龍蝦做熱身,開邊龍蝦啖啖肉,加上龍蝦羔,肯定是搶手貨。個人更喜愛吃鉗,味更鮮。不過,要控制住自己,半隻好收手,因為仲有太多太多要試。



凍海鮮除龍蝦外,還有其他選擇,包括青口,蝦、翡翠螺、小龍蝦及蟹腳等,絕不欺場。



是晚雖則係龍蝦做主角,但即開生蠔,又點可以錯過呢!節制少少,吃兩隻先不過份吧~



平時吃自助餐,可能會跳過壽司刺身一欄,但這裡有矜貴爽甜的龍蝦壽司,點都要淺嚐下。

同樣道理,胃納細少既我,一般情況下不會點飲湯,呢度既有足料既中式靚湯,仲有酥皮龍蝦湯。龍蝦湯很濃郁,有粒粒龍蝦肉在內,就咁飲可能略咸,連酥皮吃就好好多。



想不到任食都有龍蝦包,更用上鉗在餡,熱暖的包身跟爽甜蝦肉,是必吃的東西之一。不過記緊要捕捉剛出爐的時間,放涼了風味大減。



吃過半邊凍龍蝦,不如吃多半邊芝士焗?咁至夠圓滿嘛。來得香噴噴,水準比凍食更佳,但確實有點漏。



熱葷有羊架,賣相與食味皆合格。叫師傅切片牛俾我,最多分些少俾大家好了。甘香的鵝肝又係搶手貨,要企定定係師傅面前,等佢即煎好即攞。



唔好走漏印度嘢,咖喱、烤雞都似模似樣,皆因呢度有印度廚師坐陣,出品起碼正宗。



每人還有一隻龍蝦小籠包,實行龍蝦到盡頭。



甜品大致恰如其分,心太軟香濃,抹茶卷有驚喜,芒果慕絲蛋糕都合格,當然仲有哈根大師雪糕啦!


Openrice沒有仇的朋友,可下載佢既Coupon,可享75折優惠。

餐廳資料:
Bistro  on the Mile

3 則留言: