2017年6月23日 星期五

海外篇:Hotel Maya - 地方大,卻較舊


好日都唔出外玩下,難得抽到時間去一次半次,加上前往的地方生活指數又比較便宜,自然想住好一點,盼真真正正的享受一下。因此,選擇酒店時,也以五星級酒店作為目標。

原本,很希望入住Villa Samadhi,這所又近市區,又有Resort感覺的人間天堂就算費用高昂一點也絕不介。可惜,只有廿多間房的Villa Samadhi,早己爆滿,即使我願意付更高級的Luxe Sarang,也一樣。

沒法子,唯有另覓其他酒店,後來選了風評不俗的Hotel Maya,貪佢地方夠大,同埋地點方便,步行五分鐘便是雙子塔(望都望到)。
   


入住的是Deluxe Suite毫無疑問,房間是十分大,放下了雙人床、梳化、電視、書桌及茶几外,亦非常寬敞,加上落地大玻璃窗,空感十足只是感覺稍為舊了一點。



鈕開電視,最關心有無波睇,因是晚有大戰,摩佬能否留魔,就睇這一役,幸好體育台有得直播。



像玩魔術一樣,咖啡機、飲品及雪櫃,原來貼在電視櫃旁,呢種咁實在既家居設計,我以為只有香港的設計師都會用得著。



我最關心的浴室,地方同樣寬敞,沐浴與浸浴皆不缺。放一大缸水浸一浸,疲勞盡消。



室內的游泳池,不怕好天曬落雨淋,更重要的是,本人觀察到我入住的幾天,都沒有人來游的。



健身室的使用率要高一點,不過其實仍然完全唔使擔心要排隊,跑步踩單車舉鐵,大把機器任你玩。



晚上的Sky Lounge,有數款蛋糕、曲奇,咖啡或茶讓住客任飲任食。你可坐在室外,對住雙子塔美景慢慢歎;怕熱的話,走入室內舒舒服服的享受美點,也是可以。雖然,款式不多,但各式蛋糕質素都合格之上。



早餐就在Maya Brasserie,環不錯當然是自助形式,另文再詳細介紹。




對這酒店也沒有什麼投訴,但若然有機會再來吉隆坡,老虎蟹都要下榻Villa Samadhi~


酒店資料:
Hotel Maya
Hotel Maya, 138, Jalan Ampang, Kampung Baru, 50450 Kuala Lumpur, Federal Territory of Kuala Lumpur
(60) 32711 8866

4 則留言:

  1. 間房嘅configuration好似有啲怪怪咁喎,喺床咪睇唔到電視囉!

    回覆刪除
  2. 比你講到勁想去Villa Samadhi嘆囉!

    回覆刪除