Cova - 包場幽雅一番

食物：$$$$

環境：$$$1/2

服務：$$$$

與久未露面的車媽媽吃過海鮮紙火鍋，咸胃大滿足，甜胃卻在投訴。況且咁耐無見，總有說不完的話題，有必要找個地方下場。

貪心的我，除了想食甜，亦想飲杯咖啡。上次吃不成Cova (太夜，店已關)，今云再接再厲，九點鐘無理由食唔到卦～

皇天不負有心人，今次終於食到，而且是包場，可寧靜舒適地享受下。

    

不管那家分店，那大大盞水晶吊燈，幽雅的氣氛，就是Cova的標記，只是不喜歡其枱與枱之間太密。當然，是晚包場，就不是問題。

這品牌的眾多蛋糕口味，基本上已吃勻，說到尾最喜愛的，仍是其招牌的Mango Dome，從沒有令人失望。來一件，每人要杯飲品，足夠了吧～

店員話：「不如做一份Cake Set，另加杯飲品啦，咁樣會划算啲！」很窩心的服務。

沒多久，Mango Dome送上。雖然切開了一定沒原個好看，呃Like難度提高，但細滑的質感，鮮香的果肉，仍舊非常合心。

車媽媽點了杯凍青檸紅茶，而我則貫徹選擇香濃的Latte…

忽然，腦海泛起：做隻貓做隻狗不做……，做隻寵物至少可愛迷人……

祝大家天天快樂！

餐廳資料:

Cova

銅鑼灣告士打道280號世貿中心地下G011-G012號舖

2895 1998