Follow me on Instagram

2017年6月26日 星期一

鷹巢 - 鷹巢回歸?


食物:$$$1/2
環境:$$$$
服務:$$$1/2

平時飲茶食飯,唔使下下去五星級酒店咁奢侈。

然而,本人對連鎖式酒樓一向無甚好感,美心還要好一點,什麼稻X富XX星等,若非迫不得己,真係咪搞我。

近月每天搭車都會經過旺角的希爾頓花園酒店,到底佢有無中菜廳的呢?我有些好奇,一於上網了解下。

原來是有的,更用了鷹巢作名字,似要將昔日中環Hilton的回憶帶返來,那就應該要去一試。
   


下雨天的日子,即使是星期六,人客也沒幾多位。



吃叉燒好像已是飲茶的指定動作,又見這裡的燒鵝自稱招牌,那就來份雙拼。燒鵝皮很脆,肉也算香,不辱招牌之名。叉燒是超厚切,厚得看上去是有點離譜,不過肉質是非常腍,能多些蜜味更加好。另喜歡佢加入了蜜豆,現在不多地方會跟上,雖然這味道也不像當年。



隨便點幾款點心,帶子餃做得不錯,包得豐滿靚仔皮不黏牙,帶子口感好還有菜粒作點綴,幾好。



反而,滿有期待的蜂巢芋角,就嫌未夠鬆脆,芋香亦差一點點。



簡單一個蝦仁薑米蛋白炒飯,看看出品部師傅的功力。米飯炒得粒粒分明,乾身而不油,吃起來爽口,混入薑米十分好。飯炒得出色唯蝦仁的質素,仍有進步空間。



翻閱甜品餐牌,卻毫無頭緒,一碟蛋撻仔便算。是即叫即焗,製作需時,出來熱得燙咀,可惜沒半點蛋香,我是有點不滿意。



食物水準跟我預期相差無幾,至少,在旺角多個飲茶選擇。


餐廳資料:
鷹巢

4 則留言:

  1. 北美嘅Hilton Garden Inn大多連餐廳都無,最多有個breakfast area serve continental breakfast,見到香港嘅連飲茶都有,覺得好得意呀!

    回覆刪除