食物：$$$$
環境：$$$$
服務：$$$$
我相信，每位老饕，總會有一堆餐廳的To-eat List。
筆者也不例外，而且個名單水蛇春咁長，恐怕傾家蕩產也吃不完，中環的Café Siam，是其中之一。
下雨天除了可掛念從前外，更可風雨不改跟朋友晚飯，只要有人肯陪你癲。
又唔係黑雨，又唔係八號風球，其實怕咩？只不過，下雨天走上蘭桂坊條鈄路，認真麻煩。
安頓好，店員奉上餐牌，呢樣又想食嗰樣又想食。不過點都好，吃辣辣泰菜，先點杯凍飲最緊要，揀來芒果沙冰，有備無患。否則萬一辣到噴火，遠水不能救近火。
就專揀餐廳的Signature Dishes吧！頭盤先是豬頸肉。成品烤得香噴噴的，口感相當彈牙，質素很高，不沾任何汁醬已經好吃。配上店家秘制的酸子汁，又是另一番滋味。
其次是軟殼蟹沙律，大大隻的軟殼蟹香脆熱辣是理所當然，沙律原來只是酸，完全不辣的，都幾清新醒胃。
冬蔭公是吃泰菜必試的項目，看見餐廳特別推介冬蔭湯青口，不如就來這個？
與其說青口是主角，我會覺得冬蔭湯才是重點，夠酸也夠辣，多喝幾口湯，青口留多點給朋友吧！
另外是紅咖喱燒鴨，帶有椰香的紅咖喱，原本送飯是一流，只是我們的胃納實在容不下米飯。沾滿咖喱汁的燒鴨，很惹味，我吞下很多件。
辣的咸的吃不下，甜品又唔同講法，已留甜胃給芒果糯米飯。芒果香甜，沒半點的酸，配黑白糯米飯，太合我心，且兩者皆軟熟可口，忘了多少年沒嚐過如此高質的芒果糯米飯呀？！
原想點菠蘿雪葩，店員卻反建議來個椰子雪葩，說是必吃的，我無理由唔聽佢講的。都係以椰子殼咁盛著上，但大概是椰子雪糕吧，香甜又軟滑，十級好吃，的確無介紹錯。
食物不俗，尤其是甜品，簡直頂呱呱～
餐廳資料:
Cafe Siam
好恨好恨食泰菜呀，典算！
回覆刪除去泰國走一轉啦~
刪除嘩，我都好想食頂呱呱的椰子雪X（話之佢糕定葩）呀!!
回覆刪除要食啦
刪除椰子雪葩太令人難以忘懷，好想再去吃呀！
回覆刪除同阿超再去啦~
刪除