食物:$$$1/2
環境:$$$1/2
服務:$$$$
日前經過靜中帶旺的希雲街,發現有新勢力入侵,店名叫樂面牛屋。單聽名字,容易誤以為是賣港式牛扒,實情佢係做台灣菜。
年紀漸大,無謂亂嘥Quota。問過可靠人士,確定呢間店是值得去,才去。
反正很多時會路經,不須要專程去吃,待經過時沒太多人的時候才走進去,一切可以來得很隨心。
步入店子,店員立即上前招呼,以普通話介紹這是新開張的台灣牛肉麵店,是真正由台灣人主理,感覺很友善舒服。
前後來了兩遍,首次是吃紅燒牛肉麵。店員會解釋此品會有少許辣,問有沒問題,服務真不錯。
先飲啖湯,以辣味為主導,層次感較為薄弱。用上的是牛展,有人會不喜歡,我倒覺得不是重點。咬下去唔會太死實,但可以更彈牙。粗身而捲曲的麵條,掛湯能力自然高,口感亦不俗。
一碗牛肉麵未必可以見真章,既然這晚要食自己,便再來嚐其他食物,今趙點了鹽酥雞肉燥飯。
這飯會跟上小食,是菜圃、青瓜及大豆芽的小拼盤,以一隻長碟盛起。三款之中最愛吃菜圃,爽脆滲出微辣,打開胃口。
驟眼睇仲以為肉燥飯份量不多,點知愈食愈有,好彩味道都唔差。最怕吃到硬轟轟的鹽酥雞,萬幸這出品也很好,外脆而肉嫩,沒有乾巴巴,還多一份豆乳香,好吃。
配一杯冰凍的阿薩姆紅茶,一人前也可以很滿足。
戴上耳筒,繼續踏上無盡旅途~
餐廳資料:
樂面牛屋
好OK wor, 希望做得住~~~
回覆刪除OK架
刪除呢排大食咗喎!
回覆刪除幻覺黎架啫~
刪除