食物:$$$1/2
環境:$$$1/2
服務:$$$
去年年初,筆者參與了一韓食Project,須要在短時間內,吃勻幾十間本地的韓餐廳,然後予以評分,銅鑼灣的伽倻是其中之一。
記憶所及,伽倻是眾多韓餐廳之中,屬中上水平。
上次來是為公事,一年多後再訪,就是朋友聚會,來得更加輕鬆。
席上有人說:「我想食石頭飯,其他你哋揀,仲想唔想燒?」
「梗係燒啦!唔燒食韓國嘢仲咩?!」另一朋友答。
咁就講左燒既先,主角自然是牛和羊。原本想試店家推介的濟州牛,居然售罄,唔知推介嚟做乜,唯有改要餐牌中的牛筋骨。
吃不成濟州牛,丏知非福,牛筋骨燒起來,香口而且肉質鬆化,愈嚼愈香,大家都很滿意。
肥瘦有致的五花腩,燃燒時迫出油份,我滿心期待。可是吃在口裡,雖不是差,卻沒有那股油香充斥咀巴的感覺。所以,我個人是喜歡牛筋骨多一點。
其他食物也陸續上桌,炒粉絲入量頗大,總算炒至乾身,口感不俗,但牛肉太碎濕濕咁,否則更佳。
韓式海鮮辣湯,個人認為,重點並不在於各式海鮮,焦點是在辣湯之上,撈白飯實在一流。
反而,牛肉石頭飯就麻麻地,雖是熱呼呼的端出來,服務生即席幫我們加入辣醬撈呀撈,吃起來卻不夠香,而且飯焦欠奉,沒有驚喜。
甜品環節,先來一杯大的朱古力綿花冰小試牛刀。濃郁的朱古力味,以及輕怡的質感,加上一球優質雪糕,成功贏得眾人歡心。結果……
結果當然就是要追加甜點,再來一杯紅豆綿花冰,同樣是要大的。始終紅豆味道是及不上濃濃的朱古力吸引,大家都說早知要多份朱味,話雖如此,要大家淪掉呢杯紅豆,也是沒有難度。
差一點,就試埋芒果綿花冰。哈哈!
餐廳資料:
伽倻韓國餐廳
芒果綿花冰!想食啊~
回覆刪除好番先食啦
刪除