2017年4月24日 星期一

Cake 2 - 「相機食為主」之蛋糕


食物:$$$1/2
環境:$$$1/2
服務:$$$1/2

先講一下,呢間店叫做Cake Square,而不是Cake Two

家陣以相機食為主的蛋糕店愈開愈多,有些甚至教埋班。無他的,相機食先早已成為大趨勢,舉起手機拍張照,襟個掣便可上傳至Fb/IG與親朋戚友分享,實在太過簡單方便,我老媽子都呃到唔少like

然而,呢D咁既蛋糕店,質素頗為參差,真正做到好睇又好食的,似乎並不多。

粉嶺的整餅人,大概算是做得最神似又最細緻的一間,不過今時今日要整佢整個蛋糕,已唔容易。
   


今次外甥女百日宴既蛋糕,就挑來了Cake2

猶記得以前在尖東是有分店,我也陪過朋友去訂蛋糕,可惜如今只剩下天后這裡。



蛋糕要上網揀款電郵預訂,轉公仔加字樣等所有要求與問題在網上解決,基本上唔須要實體店,難怪尖東的分店可以功成身退。



選好了一個三磅的蛋糕,頂面有隻馬騮妹的公仔,另加十二隻Cupcake,寫有BB女的名字。當然還有Happy 100 Days既牌啦!

蛋糕是預期之中的美輪美奐,眾人看見成品都嘩嘩聲,爭相在蛋糕跟前拍照。至於食味,外層的糖皮固然很甜,但裡面的朱古力海綿蛋糕,與朱古力脆脆,味道卻比想像中好。


馬騮公仔是甜得吃不下的了,而杯子蛋糕,賣相反而沒意料中漂亮,是我要求太高了嗎?




一般情況下,呢類蛋糕都會頗大個。另加$150便可送貨及有師傅到場安裝,計起來可能更划算。

餐廳資料:
Cake 2

4 則留言: