2017年3月11日 星期六

牛三館 - 食物不錯,店員一舊雲



食物:$$$$
環境:$$$$
服務:$$1/2

曾經在麵三館享用過午餐,食物不俗,店員醒目,中英文了得,感覺正面,只是價錢稍為貴一點點,但偶爾一餐也無妨。

正因對麵三館的印象良好,所以對同系的牛三館亦有憧憬。而且,在於間唔使會留意下財經既我來講,牛三實在是比較老黎。

週六既兩點左右到達牛三館,館內最後一枱客人也準備離開,店子空無一客,怎麼我又在中環包場用餐?

  
 



午市套餐,一份前菜,一個飯/麵,加埋杯飲品,盛惠$138,另加十個巴仙服務費。與麵三館一樣,價錢是略貴。





頭盤選薄荷豆干土豆絲,飯則選要窩蛋雙牛飯,就是這麼簡單,都要重覆兩次才曉得,有咁複雜嗎?

薄荷豆干土豆絲份量唔少,爽脆的薯絲與豆干絲一同吃,較有層次,加上薄荷既清新香氣,呢個前菜來得幾醒神。





主食的窩蛋雙牛飯,一隻生雞蛋黃置頂,肯定誘人。所謂雙牛,是牛肉與及牛肉餅,感覺更豐富。將生蛋黃撈埋牛肉餅與蒸飯,再配店家自製的豉油,味道很不錯,另牛肉亦軟腍可口,出品的確抵讚!





飲杯橙汁,感覺好健康。





頭到尾全店只得我一人,埋單竟收我兩個午餐的價錢,瞓醒未呀?!



餐廳資料:
牛三館
中環威靈頓街148號地下A舖
28656899

6 則留言:

  1. 遇上呢d情況,我家某人會對住我鬼食黎咁批評店員點解唔花小小時間熟讀餐牌架。^^"

    回覆刪除
  2. 窩蛋雙牛飯好吸引~~~
    有無望清楚你對面...!?!?!? XD

    回覆刪除