新店速遞：梅花邨小館(長沙灣店) - 老店搶攻

食物：$$$1/2

環境：$$$1/2

服務：$$$1/2

北角的梅花村小館，歷史悠久，本人咸豐年前到訪過，水準怎樣，我已經印象模糊，畢竟我都有少少老人痴呆。哈哈哈～

某天經過長記，驚見梅花村小館呢五隻大字，我以為自己眼花，以為發緊夢，一間守了多年的老店，竟然間主動出擊，開設分店？！

週日打波前，拉埋波友先來吃午餐，試試新店打穩陣腳未。

   

午市套餐以碟頭飯為主，但除了鹵水外，其他又不太合心水，所以跟波友商糧，先來一碟鹵水五寶飯，再問問店員做唔做糖醋麵，做的話也來一客，大家開心些牙。

所謂五寶，乃腩肉、豬耳、紅腸、鹵水蛋，及豆腐，如果有鵝片就好了。我可能有點痂心妄想。

豬耳份量很多，爽脆不硬；腩肉肥瘦比例與味道，可以收貨；鹵水蛋亦入味，不過，原本是精華的豆腐，好鬼咸，弄跨了整件事。

糖醋麵送來，憑其色澤與香氣，估計應該合格。放些糖，下點醋，可以起動。麵是做到微脆又軟熟，甜甜酸酸的味道，成功討我歡心。

午市套餐加幾蚊可有飲品，那就要杯熱檸蜜，潤潤喉，呢排講得太多嘢了。

下次要試多幾款菜色，才知真章。

餐廳資料:
梅花邨小館
長沙灣青山道460-462 (聯邦廣場對面)