2017年2月2日 星期四

阿一海景飯店 - 初二,要吃好的



食物:$$$1/2
環境:$$$$
服務:$$$$

大年初二,找間好既酒店中菜廳/酒家吃餐豐富的開年飯,祈求豐衣足食,是指定動作。

今年遲了點訂位,龍景軒又爆滿,萬豪又話無晒位,國金軒都Full埋,總之與酒店中菜廳無緣。

最終,訂到了阿一海景飯店,尖沙咀個間。

  
 



聽說有人在欣圖軒,因沒有俾利是,換來店員的面口和語氣不大好。呢度絕對沒有這問題,人人笑容可掬,服務一欄,值得表揚。





忘了那一天開始,飲茶食叉燒,成為了理所當然之事,這邊的叉燒,雖是鬆化,可是肉香以及蜜味,均十分薄弱,不是大眾愛戴的種類。





芋角是我喜愛的點心之一,不過,呢度既蜂巢外層有欠鬆脆,還好芋茸香滑,總算過關。





燒賣體型比預期中魁梧,而且豬肉餡是比蝦肉多,食味我沒挑剔,但真係唔使做到咁大粒啦~





腸粉皮是偏厚,有欠晶瑩,而且不夠滑溜,即使蝦肉餡沒出錯,亦難以獲得高分數。





鮑魚酥是招牌菜,的確也是整餐最出色的點心,教人欲罷不能。曲奇皮香脆,富牛油香,鮑魚弄至軟腍入味,連帶底下的雞粒,也十分可口,我想安哥一件,可以嗎?





幾籠點心怕不夠飽,選了一碟黃皮老虎煎麵。麵煎得很好,外脆內軟,黃皮老虎球質素當然比普通的老虎斑更勝一籌,呢一味,我滿意。





甜品方面,以為呢度既蛋白杏仁茶應該會穩陣,結果大錯特錯,水準仲衰過稻香,離晒大譜。





反而,豆沙蘋葉角入口軟糯不黏牙,香甜好吃。

下年,都係早啲訂酒店中菜廳吧!



餐廳資料:
阿一海景飯店
尖沙咀彌敦道63號iSQUARE國際廣場29樓
23280983

4 則留言: