2017年2月26日 星期日

萬豪中菜廳 - 遠在天邊開年飯



食物:$$$$
環境:$$$$
服務:$$$$

早陣子是排山倒海的開年飯,過了正月十五,終於有機會來到天際萬豪,與幾位朋友吃遲來的開年飯。

非常難得,本人竟趕得及七點十五分在東涌開出的酒店穿梭巴士,可以準時與大家相聚。

唔使講咁多,大家安頓好,舉杯飲勝後,豐盛菜色也隨之奉上。

   
 



由冷盤的錦繡鴛鴦開始,以雞絲與火鴨絲為主角,墊底配上青瓜絲、蘿蔔絲、唐芹及粉皮等,入口清爽。雞絲與粉皮一向是元配,味道濃郁的火鴨絲,似要向雞絲宣戰,打破雞全部都係雞的定律。





酒店的湯品,對於平日少湯水既我而言,從來是及時雨。這晚的竹笙雲吞雞湯,火路足,喝得我很舒服。





喝完碗靚湯,溫暖上心頭。此時再端來的客家算盤子,竹籤穿著慈菇、蝦仁及窩筍,有如算盤上的算珠,廚子在選食材及顏色配搭也花了心思。慈菇口感粉嫩,蝦仁新鮮爽口,窩筍爽脆是意料中事,更合心是師傅塗上了薑茸,有畫龍點睛之效果。





梅菜扣肉,有人認為是粗嘢,我卻視之為上品。花功夫花時間不用再多提,懂的自然會懂。這份出品,梅菜琢得幼細,甜梅菜與咸梅菜混合,入口不死咸,扣肉完全是化的,甘香到不得了,大家急不及待來幾碗白飯,來配這極品。





沙薑蔥油雞又掀起全晚另一高潮,先挑一件雞胸吃,也夠皮爽嫩滑,其他部位更不用多解釋,蔥油鋪滿在嫩滿的雞肉之上,實在太令人驚喜。





喜歡香口嘢既筆者,菜蔬也要來一客惹味的麵醬唐生菜,爽脆口感跟濃郁味道,多吃幾條也無妨。





一味傳統客家咸湯丸,令我重拾久違了的滋味,師傅彷彿想套用此品將我的年齡向大家公開。





以綠豆沙作結,這夜的粗嘢,實在太適合我呢個粗人了……


餐廳資料:
萬豪中菜廳
赤鱲角香港大嶼山香港國際機場航天城東路1號香港天際萬豪酒店M樓
39692888

4 則留言:

  1. 既然都“嗰頭近”,我意思係指嗰頭近機場,應該順便去睇下有邊度想去,即時買張機票飛嘛,哈哈!

    回覆刪除
    回覆
    1. 我都嗰頭近啦, 飛唔飛都無所謂了 XD

      刪除
  2. 個扣肉搞到我食左好多飯呀!!!! > <

    回覆刪除